Basketbolan, volleyball nets sa Minglanilla gipanangtang
CEBU, Philippines — Gipangtangtang sa kapolisan sa Lungsod sa Minglanilla ang pipila ka basketball ring ug volleyball nets sa nagkadaiyang dapit sa ilang area of responsibility.
Gihimo ang maong operasyon pinangulohan ni Police Major William Homoc, hepe sa kapolisan sa Lungsod sa Minglanilla.
Ilang gibasehan ang ilang aksyon pinaagi sa executive order ni Mayor Elanito Peña nga nagmando nga ibton ang tanang basketball ring ug volleyball net.
Kini aron dili maaghat ang mga molupyo nga moduwa og team sports ug mapatuman ang physical distancing samtang naa pa sa general community quarantine (GCQ). Gawas sa kapolisan gimanduan sab ni Peña ang mga barangay kapitan, home owners association ug sa tanang organisasyon nga pang-ibton una ang ilang mga kagamitan sa paugnat sa kusog nga walay physical distancing. Gihangyo sab ang tanan nga motuman niini aron sab nga makatabang sa mga frontliners nga nisakripisyo para lang maminusan ang pagkatap sa makamatay nga virus. /GMR (BANATNEWS)
- Latest