Duha ka suspetsadong durugista sikop
CEBU, Philippines — Duha ka suspetsadong durugista ang nasikop atol sa gipahigayong buy bust operation sa Provincial Drug Enforcement Unit, Provincial Intelligence Unit ug Compostela Police Station niadtong Domingo sa gabii diha sa Barangay Estaca, Lungsod sa Compostela.
Ang nasikop mao sila si Marvin Flores, 28-anyos, usa ka medical representative ug Keith Marco Racho, 26-anyos mga residente sa maong lugar.
Nasakmit sa mga polis gikan sa mga suspetsado ang mga pinutos nga ginadiling drugas nga mokabat tanan ngadto sa P100 mil, sakyanan ug buy bust money
Ang mga suspetsado nagtingkagol karon sa detention cell sa Compostela Police Station ug gikatakdang pasakaan og tukmang kaso sa giingong pagpamaligya nila og ginadiling drugas. /BDB (BANATNEWS)
- Latest