Quarantine pass sa taga condo, boarders tukion
CEBU, Philippines — Makigtagbo si Police Regional Office 7 Director Albert Ignatius Ferro sa mga lokal nga opisyal sa Dakbayan sa Sugbo aron tukion ang mga pamaagi sa paghatag og enhanced community quarantine (ECQ) pass sa mga tawo nga nag-abang ug nagpuyo sa mga condominiums.
Kini human daghan ang nabalaka kung unsaon nila pagpamalit sa ilang mga batakan nga panginahanglanon ilabi na matag panimalay usa lang ang hatagan og ECQ Pass.
Matud ni Ferro nga makig-alayon sila sa mga opisyal sa barangay sa mga pamaagi sa pagpagawas ilabi na nga ang basehan ang matag panimalay.
Ang mga boarders ug renters wala pa malakip tungod kay wala man sila naapil sa listahan sa household diin gipanghatag ang quarantine pass aron pagminus sa mga tawo nga makagawas-gawas sa siyudad nga ubos sa ECQ. /GMR (BANATNEWS)
- Latest