P10 milyones bugti sa ulo ni Gob?

CEBU, Philippines — Nitahan sa iyang kaugalingon sa Cebu Provincial Police Office ang lalaking giingong nitanyag og P10 milyones sa kun kinsa ang makapatay kang Gobernador Gwendolyn Garcia pinaagi sa iyang post diha sa Facebook.

Usa ka Billy Joe Magdadaro ang ni-post og "10 million rewards sa maka patay ni Gov. Gwen Garcia. Lockdown Cebu City Gi****" ngadtob a Baligya Cebu Facebook Page.

Nag viral dayon ang maong post ug niabot ngadto sa gobernador. Apan taud-taod nag deactivate ang maong account.

Si Col. Roderick Mariano ang hepe sa Cebu Provincial Police Office (CPPO) nga alas 1 sa kaadlawon sa Hunyo 26, 2020 niadto ang usa ka lalaking nagpailang si Billy Joe Magdadaro aron limpyohan iyang pangalan ug  mihimakak nga siya ang nag-post sa maong hulga.

Ang Banat News wala usa mopangalan sa lalaki sanglit wala man kin giaresto ug padayon pa ang gihimong imbestigasyon. Si Mariano nagkanayon nga base sa pangangkon sa lalaki, lahi ang iyang lehitimo nga account ug dili katong "Billy Joe Magdadaro."

“About three hours after we discovered that the account was already deactivated, he showed up in our station. We will investigate this further and if we can find enough evidence, we will file a case against him,” matud ni Mariano.

Si Police Staff Sergeant Ronelle Ocariza, assistant investigator sa Regional Anti-Cybercrime Unit (RACU-7) nagkanayon nga dunay duha ka accounts ang lalaki. Ang Billy Joe Magdadaro ug laing usa nga maoy giangkon sa netizen nga iyahang lehitimo nga account.

Ang giingong fake account niadto pang 2015 pa nahimo sa Facebook.

"The question is nganong karon pa siya nakahibalo nga pila naman na ka years, unta supposedly naa na siyay prior knowledge in fact naay ni comment ngadto nga the Joel Magdadaro was subject for hacking daw so we doubt nga wa siya kahibalo naabot sa iyaha ang storya nga nabuhatan siya og fake account so there should be legal action nga gibuhat sa iyang side," matud ni Ocariza.

Ang maong netizen nihimakak nga siya ang tag-iya sa account nga nagtanyag og P10 milyones. Matod niya nga sa iyang mga higala ra siya nasayod kalabot niini ug niadto dayon siya sa CPPO. Giangkon hinoon niya nga magusab usab siya og pangalan sa Facebook.

Matud ni Garcia nga adto na lang sa korte pamatud-an sa netizen nga inosente kini. /IBM (BANATNEWS)