17 ka pasyente sa COVID-19 sa Lapu-lapu nakagawas na sa Isolation facility
CEBU, Philippines — Nakagawas na sa isolation facility sa Dakbayan sa Lapu-lapu ang 17 ka pasyente sa COVID-19 nga hingpit na nga naka-recover sa maong sakit.
Kini ang gitug-an ni Nagiel Bañacia nga maoy pangulo sa City Disaster Risk Reduction and Management Office diin siya miingon nga niadtong Sabado Hunyo 20, 2020 gipagawas ang maong mga pasyente human masuta nga maayo na ang kondisyon sa ilang panglawas.
“All patients from Sta. Maria have gone home. We initially won the war in Sta. Maria,” suma pa ni Bañacia
Dugang pa niya nga lima ka pasyente nga nakagawas gikan sa Sitio Sta. Maria, pito usab ang taga Barangay Buaya, Zone 2; samtang sa Barangays Ibo, Seaside; Mactan; Ibabao; Agus; Babag; ug La Aldea, Timpolok adunay tag-usa ka pasyente nga naka-recover sa COVID 19.
Samtang base usab sa post sa Face book ni Lapu-lapu City Mayor Junard “ Ahong” Chan nasayran nga gamay lang ang kaso sa COVID-19 sa 19 ka barangay sa mainland sa maong dakbayan. /MEL (BANATNEWS)
- Latest