Polis sa CCPO namatay
CEBU, Philippines — Laing polis sa Cebu City Police Office ang nakalas tungod sa komplikasyon sa novel coronavirus kun COVID19. Ang maong polis nadestino sa Cebu City Police Office (CCPO) isip usa sa mga beteranong imbestigador sa Investigation Detection and Management Branch (IDMB).
Matud ni Officer in Charge sa CCPO Police Colonel Cedric Earl Tamayo nga niadtong Hunyo 10 gidala sa hospital ang maong polis kay giubo, gisip-on, dunay hilanat ug naglisud og ginhawa.
Gipaubos kini sa swab test ug Hunyo 13 nigawas ang RT-PCR result ug nagpositibo kini sa COVID19.
Dugang pa ni Tamayo nga duha sab ka sakop sa IDMB ang nagpositibo nga parehong diabetic. Sa pagkakaron adunay 24 ka COVID positive, 25 probable case ug 31 ang naka recover na sa CCPO.
Si PRO-7 Director Police Brigadier General Albert Ferro nagkanayon nga tabangan nila ang pamilya sa namatay nga polis. Nipahimangno sab si Ferro sa tanan nga kapolisan nga kanunay nga mag- amping. /IBM (BANATNEWS)
- Latest