Mga nagpuyo sa PC Hills sa Barangay Lahug gipapahawa na sa PRO-7

CEBU, Philippines — Gipasalig sa Police Regional Office PRO-7 nga motabang sa pagpangita ug kabalhinan sa mga nagpuyo sa PC Hills sa Barangay Lahug Dakbayan sa Sugbo. Kini human gihatagan sa PRO-7 ug 30 ka adlaw ang mga nagpuyo nga mga “informal settlers” sa pagbiya sa maong luna diin ang maong luna  gipanag-iya sa gobyerno.

Matud ni PRO7 Director Police Brigadier General Albert Ferro nga ang maong luna diha sa PC hills gamiton na usab kini sa kapolisan.

Apan bisan pa sa ilang giluwatan nga demand letter sa mga residente mihatag usab sila ug lugway nga tulo ka buwan gumikan sa konsiderasyon gumikan sa COVID-19 pandemic

"In the spirit of being a Christian and Sugbuanon man ni, I'm lengthening the time before they vacate those area, we will look for their relocation because this is a government lot," suma pa ni Ferro.

Gibutyag sab ni Ferro nga ilang nasuta nga adunay ubang balay o dapit nga gihimu nalang negosyo sama sa boarding house  ug ang uban usab nga mga balay gipaabangan.

"For those that has been using the area for their business focus-oriented initiative, kay naa may gibuhat diri na para boarding house, naa pay gibuhat na house for rent," sumala  pa ni Ferro.

Dugang pa ni Ferro nga ang mga anaa nag puyo sa maong luna ang uban mga retiradong pulis ug gipasabot niya nga ipagamit na usab kini sa mga aktibong police personnel sa Central Visayas. /MEL (BANATNEWS)