DOH: Mga patay dili na pakuhaan og swab test
CEBU, Philippines — Ang direktor sa Department of Health (DOH)- 7 Dr. Jaime Bernadas niklaro nga ang pagkuha og swab sample sa patay nga lawas sa pasyente dili kabahin sa protocol sa testing sa coronavirus disease (covid-19).
Ang maong pamahayag ni Bernadas reaksiyon kini sa accommodation nga gihimo sa ubang medical facilities diin ang patay na nga pasyente dili na angay nga i-test apan gipahubos gihapon kini sa test ubos sa request sa pamilya ug mga nagunit nga physician.
Atol sa gipahigayong meeting tali sa mga opisyal sa Probinsiya sa Sugbo ug mga mayor sa kalungsuran niadtong Miyerkules si Bernadas nibutyag nga nimando na siya karon sa chiefs of hospital nga dili kini i-tolerate tungod kay wala man kini malakip sa protocol sa ipaubos sa test sa covid-19.
Si Bernadas nibutyag nga mao kini ang usa sa mga problema karon sa pagkuha og swab sa mga patay diin wala kini sa ilang protocol. /BDB (BANATNEWS)
- Latest
