CCPO mas maghigpit karong ECQ

CEBU, Philippines — Ang officer-in charge sa Cebu City Police Office (CCPO) nga si Cedril Earl Tamayo miingon nga mas istrikto nilang ipatuman ang mga ECQ protocols dinhi sa siyudad tungod nagtuo kining dunay kakuwangon sa pagpatuman niini dihang nag-general community quarantine sugod Hunyo 1 hangtud Hunyo 15 nga niresulta sa pagsaka sa mga kaso sa nataptan sa novel coronavirus disease.

Apan aron way magmahay, dunay One Time Bigtime Information Dissemination silang buhaton sa publiko bahin niini.

“We really have to be strict now because the fact that we went back to ECQ, it means we had shortcomings in implementing the first round of ECQ. There were shortcomings not just on the part of the authorities but also on the part of the community. It means health protocols were not followed and we want to change that for us to be downgraded even just to GCQ,” dugang pa ni Tamayo.

Adunay dugang kapin 600 ka police personnel ang gibalik og deploy sa kadalanan aron sa pagpahigayon og foot patrols sa mga sudlonong bahin sa mga barangay. Si Cebu City Mayor Edgardo Labella mipagawas og bag-ong executive order pinasubay sa ECQ.

Stay at home

Ang Executive Order No. 82 nagmando sa tanan pagsunod sa mandatory stay at home, mogawas lang sa balay kun dunay importanteng tuyo o kaha paliton diin usa ra ka tawo ang tugotang makagawas.

Kadtong mga nag-edad og 21 anyos paubos ug 60 anyos pataas gikinahanglan nga magpundo sa balay.

Hinoon, dunay mga wala’y labot sa stay at home order sama sa Medical Practitioners, opisyal sa hospital o staff, nurses, health volunteers; emergency personnel; authorized national and local government officials and employees; drivers ug pahinante sa delivery vehicles; accredited media personnel; maguuma, mananagat, agri-business personnel; pasyenteng dad-on sa tambalanan; mga  empleyado sa mga exempted nga establisamento nga gihatagan og pagtugot sa mayor. Padayon sab ang trabaho sa gobiyerno ug mga negosyong gitugot ubos sa ECQ apan kinahanglan mosunod sa minimum public health standard samtang way mga pasaheroang gitugotang makabiyahe ug ingon man mga barko.

Gidili sab ang pag-inom sa mga pampublikong lugar, gikinahanglan sab ang pagsul-ob og facemask, ipatuman gihapon ang schedule sa Carbon Public Market, temporary waiving sa mga bayranan, mandatory testing sa mga PDL ug Children In Conflict With the Law ug ang number coding scheme sa mga sakyanan, curfew hours  nga alas 10 sa gabii hangtod sa alas 5 sa buntag.  Decemay Padilla/IBM (BANATNEWS)