Garcia: Mga nagtrabaho kinahanglang magtuob

CEBU, Philippines — Dili sirad-an sa Probinsya sa Sugbo ang mga utlanan niini sa Cebu City alang sa mga empleyadong nagtrabaho sa dakbayan nga mamauli sa ilang mga lungso apan kinahanglang magtuob sila sa dili pa motrabaho ug ini og abot nila gikan trabaho.

Atol sa tigom ni Gobernador Gwendolyn Garcia uban ang mga mayor kagahapon nasabotan nga kinahanglan ra magpakita og company IDs ug certificate of employment ang trabahante diha sa checkpoints.

"Sa mga nagtrabaho sa Cebu city nga mag-ulian kada hapon, they (Mayors) should issue an EO (Executive Order) nga before they (empleyado) leave for work magtuob sila pagbalik nila tuob na sab sila, i-maintain ang healthy lifestyle. Mag inom sila lemonsito, turmeric ug Vitamin C in order to strengthen their immune system," matud ni Garcia.

Gi-revoke

"Dili man pud ni mahimo nga mag sige ra ta og sira ug dili na pud makatrabaho samot og kalisod ang kahimtang sa atong mga kaigsoonan" matud ni Garcia.

Sa pikas bahin, si Land Transportation Franchising and Regulatory Board Regional Director Eduardo Montealto Jr., mipahibalo nga gi-revoke tanan ang special permits sa mga pasaheroan nga giisyu ubos sa General Community Quarantine sa Cebu City ug Talisay City.

Sumala pa ni Montealto, base sa guidelines ubos sa ECQ ang mga magkarga lang og essential goods ang gitugot nga makabiyahe.

Kagahapon sa udto, nagkaproblema sa trapiko diha sa utlanan sa Talisay ug Cebu City human kalit gisirad-an sa kapolisan ang SRP kagahapon sa udto.

Si Mayor Gerald Anthony “Samsam” Gullas Jr. naglaraw nga duha ka entrance ug duha ka exits ang ilang ipatuman bisan paman og gibalik sila sa MECQ.

Buot pasabot nga bukas ang N. Bacalso Avenue ug South Road Properties (SRP) nga bahin. Apan nahibulong siya sa kalit nga pagsira sa mga utlanan nga wala sila pahibaw-a.

Hinuon human nga nakaestorya ni Police Major Gerard Ace Pelare, pangu sa Talisay City Police Station ang kadagkuan sa Cebu City Police Office (CCPO) gibuksan  pagbalik ang karsada. Rowena Capistrano, Gabriel Bonjoc/IBM (BANATNEWS)