PNP Talisay gipahimangnoan sa safety protocols
CEBU, Philippines — Ang kapolisan sa Dakbayan sa Talisay subling gipahimangnoan kabahin sa safety protocols batok sa covid-19. Si Police Major Gerard Ace Pelare, hepe sa Talisay City Police Station nagkanayon nga walay pili nga propesyon ang virus sa pagtakod hinungdan nga protektahan gyud ang kaugalingon.
Ang pagsul-ob sa facemask, paglimpiyo sa kaugalingon ingon man pagtumar og saktong bitamina maoy panagang niini.
Bag-ong lang, duha ka polis gikan sa Cebu City Police Office (CCPO) ang namatay tungod sa covid-19.
Si Pelare nagkanayon nga sila sa police station nihimo usab og protocol sa pag abi-abi sa mga tawo nga mobisita diha sa ilang buhatan.
“We adhere to the instruction ni RD nga our QCP remains. Dapat lang mag-ingat gyud”, dugang ni Pelare. /BDB (BANATNEWS)
- Latest
