Safety officer gikan naligo nakuryentihan

CEBU , Philippines — Patay ang usa ka safety officer sa Manila Water Reservoir sa Barangay Cantumog, Lungsod sa Carmen nga nakuryentihan sa hayhayan nga nasaghid sa live wire alas 7 pasado sa buntag sa niaging adlaw.

Si Police Corporal Francisco Dumasig sa Carmen Police Station niila sa biktima nga si John Ryan Mag-aso, 28-anyos, nga taga Barangay Azucena, Lungsod sa Barili. Matud pa ni Dumasig nga gikan pa nga nahuman ang biktima sa pagkaligo ug nipaingon kini sa hayhayan nga alambre nga gituohang nasaghid sa live wire nga maoy hinungdan nga nakuryentihan.

Si Dumasig niingon nga dali untang gitabang ang biktima sa mga kauban sa trabaho apan nakabsan gyud kini sa iyang kinabuhi. (BANAT NEWS)