Family day sa San Pio Ville adunay kausaban karon
CEBU, Philippines — Ang mga kalihukan sa Family Day sa San Pio Ville, Barangay Dumlog, Dakbayan sa Talisay sa unang higayon menos kini karon tungod kay ubos pa sa modified enhanced community quarantine ang maong dakbayan.
Ang naandan nga mga kalihukan sa nilabay nga tuig adunay ipahigayon nga Santos nga Misa sa dili pa ang panagtapok-tapok sa mga pamilya apan kagahapon ang community naminaw lang kini sa Santos nga Misa online. Human sa Santos nga Misa adunay parada nga giubanan sa pipila ka mga tawo ug nagmotorkada diin gipatuman gihapon ang social distancing.
Kaniadto adunay ipahigayong panagtapok-tapok sa mga pamilya nga nagpuyo sa community diha sulod sa gym apan kagahapon ang mga pamilya nagsaulog sa ilang family day diha sulod sa ilang balay ug nagsawo kini sa pagkaon sa ilang mga giandam nga pagkaon.
Karon usab sa unang higayon sa pagsaulog sa family day gipahigayon ang photo ug video contest sa mga pamilya ubos sa “StayatHomeFamilyDay2020” diin ang mananaog aduna kini premyo.
Bisan sa mga kabag-ohan karon sa panahon gihangop ug gikalipay gihapon kini sa mga residente ang pagpahigayon sa family day. /BDB (BANATNEWS)
- Latest
