Chan: Isla sa Olango pabiling COVID-19 free
CEBU, Philippines — Ang 11 ka barangay sa Isla sa Olango, Dakbayan sa Lapu-Lapu nagpabilin pa gnihapon nga covid-19 free.
Kini ang nasayran base sa post sa facebook page ni Mayor Junard Ahong Chan nga nagpakita nga ang kadaghanan sa adunay natala nga biktima sa covid-19 ang mga naggikan sa mga barangay sa mainland sa maong dakbyan.
Sa post usab ni Chan natala nga 93 ang kinatibuk-ang gidaghanon nga nataptan sa covid-19 diha sa 18 ka barangay sa mainland.
Naglakip sa maong mga barangay ang Agus, Babag, Basak, Buaya, Calawisan, Canjulao, Gun-ob, Ibo, Looc, Mactan, Maribago, Marigondon, Pajac, Poblacion ug Suba Basbas. Sa maong mga barangay sa mainland ang adunay labing daghan nga nataptan sa covid-19 ang Barangay Pusok diin nakabaton kini og 23 ka paseyente gisundan sa Barangay Gun-ob nga adunay 13 ka kaso ug ang ikatulo mao ang Marigondon nga adunay 11 ka kaso.
Base usab sa post ni Chan diha sa iyang facebook page nga sa 93 ka kaso sa covid-19 sa siyudad , 37 niini ang naka-recover, 20 ang admitted sa hospital, pito ang namatay ug 29 usab kanila ang gipahiluna sa isolation room facility. /BDB (BANATNEWS)
- Latest