DTI nipagawas og operational guidelines sa malls

CEBU, Philippines — Ang Department of Trade and Industry (DTI) nipagawas na og operational guidelines alang sa mga mall ug shopping center nga anaa nahimutang sa mga lugar nga ubos sa general community quarantine.

Base sa guidelines kinahanglan ang estrikto nga pag-monitor sa foot traffic ug pag implementar sa safe distancing sulod sa shopping center o mall sama sa pag-limit sa mga tawo nga makasulod sa mall o shopping center, pagsiguro sa social distancing, mga senior citizens, Person With Disability ug mga buntis adunay usa lang ka kuyog ug uban pa.

Kinahanglan usab mag-assign og centralized pick up location sa mga tindahan nga adunay delivery ug pickup service diin ang delivery service providers makakuha sa ilang goods.

Kinahanglan usab i-regulate ang aircondition sa mga mall ngadto sa 26 degrees ug pagngon usab ang free wifi sa mga customer.

Ihunong usab ang paghigayon og mga kalihukan nga magkabig ug daghang mga tawo sama sa sale, promo ug uban pa. Gidasig usab ang mga mall ug shopping operators sa paghimo og mga pamaagi sama sa express lane ug uban pa. Ang mga guideline gitumong aron mapugngan ang pagkuyanap pa sa covid-19. /BDB (BANATNEWS)