Naayo sa Cebu City 958 na

CEBU, Philippines — Ipaubos na sa General Community Quarantine ang Cebu City sugod ugmang adlawa. Adunay nalipay apan duna say naguol tungod kay padayon ang pagsaka sa kaso sa coronavirus disease(COVID)-2019 sa dakbayan.

Kagahapong adlawa, ang COVID-19 sa siyudad niabot og 2,202 human nadugang ang 60 ka mga bag-ong kumpirmadong kaso base sa datos sa Cebu City Health Department.

Ang 60 ka kaso gikan sa Barangay Duljo Fatima nga 14 ka kaso, tulo sa Pasil, unom sa Mambaling, duha sa Suba, tulo sa Ermita, usa sa Camputhaw.

Samtang duha sab sa Sawang Calero, pito sa Mabolo,  duha sa Lorega, lima sa Tejero, usa sa Labangon,  usa sa Pardo, tulo sa Tisa, usa sa Lahug,  usa sa Quiot, duha sa Sambag 2, usa sa Calamba, duha sa Tinago,  duha sa Carreta ug usa ka unverified.

Hinoon, bisan og misaka ang kaso, nisaka sab ang recoveries sa Cebu City nga niabot na tanan karon og 958 human nadugangan og 166 ka mga naayo gikan sa Mambaling, Guadalupe ug Tejero. /IBM (BANATNEWS)