Mga barangay nga way COVID-19 di pa kasiguro

CEBU, Philippines — Bisan kadtong mga barangay nga walay natalang kompirmadong kaso sa coronavirus disease (COVID-19) sa Dakbayan sa Sugbo, Mandaue ug Lapu-Lapu city apan nasuta nga may mga residente silang dunay mga impeksyon base sa resulta sa gihimong strategic community rapid test. Sa press release sa Office of the Presidential Assistant for the Visayas, si Dr. Junji Zuasola ang pangulo sa Department of Health Regional Epidemiology and Surveillance Unit nagkanayon nga ilang nasayran pinaagi sa Project Balik Buhay prevalence survey nga pipila ka barangay sa tri-cities ang adunay impeksyon.

 “Based on our scaling model, nakita nato nga kining mga barangay (that) have no active cases by PCR, kadtong ILI-SARI,” matud ni Zuasola.  Ang ILI mao ang influenza-like illnesses samtang ang SARI mao ang severe acute respiratory illnesses, mga sakit kini sama sa trangkaso, sip-on, ubo ug pagpanakit sa tutunlan.

Positibo

Apan tungod sa gihimong pagtuon daghan ang nadiskubrehang posibleng positibo diay sa maong sakit apan wala mahibaw-i sa ilang barangay.

“However, because of the study that we have performed, we took samples from their residents; we found that even if they don’t have (COVID-19 cases), there are some residents that have IgM (active infection). They don’t have symptoms but they were exposed (to the virus); they had active exposure. Probably, they had infection,” dugang ni Zuasola kinsa nagkanayon nga adunay pipila ka mga residente nga na expose na sa virus tungod kay adunay silay IgG (past infection).

Sa maong press release gisaysay niini nga ang Dakbayan sa Sugbo adunay mga 16 ka barangay nga walay natala nga kaso apan adunay IgM positive gikan sa 1.1 percent ngadto sa 13.3 percent.

Aduna usab mga impeksyon sa mga indibidwal sa Lapu-Lapu ug Mandaue base sa IgM niini nga positibo.

Gani pipila sa mga indibidwal nga nagpositibo sa IgM ang nagpositibo sa Polymerase Chain reaction (PCR) test sumala ni Dr. Mary Jean Loreche, ang DOH-7 chief pathologist.

Sumala ni Dr. Zuasola, usa sa sanglitanan niini mao ang unom ka tawong taga Pasil,  ug usa sa Duljo-Fatima sa Cebu City nga nagpositibo sa IgM.

Wala silay mga sintomas; duna say duha sa Maguikay sa Mandaue ug walo sa Lapu-Lapu City nga nagpositibo sa COVID-19 pinaagi sa PCR-test.

Survey

Ang prevalence survey nagpakita nga ang Dakbayan sa Sugbo adunay 2.2 percent matag 100 ka panimalay IgM prevalence, ang Mandaue adunay 1.4 percent prevalence rate samtang ang Lapu-Lapu adunay 1.6 percent.

“At the outset and pinakadako nato nga challenge mao man ang atong away sa COVID kay lagi atong kontra dili makita. The enemy was invisible, and ato lang armas nga gigamit sa mga doktor ug sa health sector mao lang ang atong clerical acumen,” matud ni Dr. Jaime Bernadas ang regional director sa DOH-7.

Matud ni Bernadas ang PBB prevalence survey pinaagi sa PCR ug Rapid Antibody Test naghatag sa LGUs og giya kun unsaon pagtagad ug pagpalambo ang pakigbatok sa COVID-19.

Ang OPAV maoy nipasiugda sa PBB uban sa kooperasyon sa tulo ka siyudad, business sector ug sa DOH-7 aron gamiton ang strategic mass testing aron masayran kun unsa kalapad gyud ang natakboyan sa maong virus.

Sa sayo pa, si Secretary Michael Dino mipasabot nga ang strategic mass testing: “wise, scientific, evidence-based, data-driven approach to help us rise above this pandemic.”  Matud pa nga 80 porsiyento sa nataptan sa maong sakit pulos asymptomatic, matud ni Bernadas pinaagi sa prevalence survey mailhan kun kinsa kadtong nagsige og panakod sa uban.

Sumala pa sab ni Zuasola, ilang gisugyot ang sequential lockdown aron mapugngan ang “second wave” nga gibase nila sa nahipos nga datos gikan sa prevalence survey.

Pinaagi sa maong pagtuon, makahimo sila og tukmang aksyon kun asa nga lugar ang i-lockdown ug ang libkason ang lockdown. Apan kinahanglan nga ang pagkwarantina mag-agad sa resulta sa mga surveillance niadtong mga dunay ILI-SARI nga mga sakit. /IBM (BANATNEWS)