Mokabat sa 140 mil ka sakong bugas naapod-apod sa NFA

CEBU, Philippines — Dul-an sa 140 mil ka sako nga bugas gikan sa National Food Authority (NFA)-7 ang naapod-apod sa tibuok rehiyon 7.

Kini ang gitug-an ni Olma Marie Bayno, tigpamaba sa NFA-7 nga nahinabi sa Banat News.

Matud ni Bayno nga 139, 748 ka sakong bugas ang na-release nila ngadto sa tibuok rehiyon diin sa Bohol nikabat ngadto sa 25,462 ka sako; sa Cebu nikabat ngadto sa 87,529; sa Negros Oriental, 18,018 ug sa Sijuijor nikabat ngadto sa 8,739.

Gibutyag ni Bayno nga bisan og nakahatag sila og ayuda ngadto sa mga LGU aduna gihapon sila’y igong supply sa bugas humay sa ilang warehouse.

Dugang ni Bayno nga niadtong Mayo 23, 2020 bag-o lang nahuman ang unloading sa 30 mil ka sakong bugas gikan sa Mindoro. /BDB (BANATNEWS)