Mama sa masusong positibo, nanegatibo sa COVID test
CEBU, Philippines — Nagnegatibo sa coronavirus disease (COVID-19) ang swab sa inahan sa bata nga positibo sa maong sakit sa lungsod sa Argao.
"Negative sa swab test ang batan-ong inahan sa bata nga positive sa COVID-19 sa Sitio Sutil, Tulang, Argao Cebu," pagbasa sa Argao Local Government Unit Facebook page niadtong Mayo 24, 2020.
Matud sa page nga nasayran nila nga negatibo ang batan-ong inahan pinaagi ni Dr. Reno Rhine Mamac ang Municipal Health Officer sa lungsod.
"Ang mga close contacts sa batang namatay sama sa inahan, amahan, apohan ug uban pang mga tawo, sayo pa, gipaubos na usab sa swab testing ug ang atong kagamhanang lokal sa Argao naghuwat pa sa resulta niini," pagbasa sa maong page.
Bisan pa usa pa ang natala nga kaso sa COVID-19 sa lungsod, gisiguro sa LGU sa Argao pinaagi kang Mayor Allan Sesaldo nga hugot ang gihimo nga monitoring sa kalamboan sa sitwasyon sa Sitio Sutil. /IBM (BANATNEWS)
- Latest