Pagsaka sa gidaghanon sa COVID-19 cases sa Mandaue ug Lapu-Lapu nagpadayon

CEBU, Philippines — Gilauman nga matag adlaw nga dili na ikahibulong kun mosaka ang gidaghanon mga nataptan sa novel coronavirus  2019 (COVID-19)  sa Dakbayan  sa  Lapu-Lapu ug Mandaue nunot paggawas na unya sa mga resulta sa gihimong rapid testing.

Ang mga health personnel ug mga sakop  sa City Risk Reduction and  Management Office sa Mandaue nagpadayon sa ilang contact  tracing sa labing ulahi nga kaso sa COVID 19  sa Catalino Ouano sa Barangay Looc sa Dakbayan  sa Mandaue.

Didto magpuyo ang 34-anyos nga nagpositibo sa COVID-19 ug mao nay ika- 223 ka kompirmadong nataptan sa maong sakit sa maong dakbayan sa kinatbuk-ang ihap niadtong Domingo  Mayo  23, 2020.

Samtang si  Mayor Junard  Chan mipahibalo niadtong Domingo nga dunay nadugang nga unom ka mga kaso sa COVID 19 diin ang duha taga Sta. Maria Pusok, duha sa Lupa, Punta Engaño , usa sa Locatha, Looc ug laing usa sa Sitio Kadulang, Marigondon (1), ug  usa sa  Zone 1, Buaya . Tungod sa mga bag-ong nataptan duna na karoy 84 ka mga kompirmadong kaso sa COVID-19 ang dakbayan nga sa pagkakaron gipaubos nalang  sa general community quarantine. /IBM (BANATNEWS)