Duha ka seniors sa Consolacion positibo sa COVID-19
CEBU, Philippines — Sulod sa duha ka adlaw Mayo 23 hangtod Mayo 24, ang lungsod sa Consolacion nakatala usab kini og dugang duha ka kaso sa coronavirus disease (COVID-19).
Sa Facebook page sa LGU Consolacion, ang duha ka bag-ong positibo parehong senior citizen, usa ka 69 anyos ug 81 anyos.
Ang 69-anyos nga pasynte natala ni niadtong Mayo 23. Usa ka babaye nga gikan sa Proper Pulpogan, Consolacion
"Gidala siya sa Everseley Child Sanitarium General Hospital niadtong Mayo 20, 2020 Miyerkules tungod sa lisod sa pagginhawa ug gibutang didtp sa isolation tent sud sa duha ka adlaw.
Apan gibalhin kini siya ngadto sa Vicente Sotto Memorial Medical Center tungod kay bisan gipagamit na kini og nebulizer ug uban pang ekipo aron siya makatarong og ginhawa wala kini maarang-arang.
Samtang ang 81-anyos nga babaye nga taga Cambiojan, Casili sa Consolacion. Ang maong pasyente anaa karon sa Vicente Sotto Memorial Medical Center. /IBM (BANATNEWS)
- Latest