Cebu City nadugangan og 10 ka kaso sa COVID-19

CEBU, Philippines — Dugang 10 ka residente sa Dakbayan sa Sugbo ang nagpositibo sa sakit nga coronavirus disease 2019) kagahapon.

Sa niini nga ihap, duha ang gikan sa Sitio Mabuhay ug Sto Nino, Barangay Luz; usa gikan sa Cebu City Jail; usa gikan sa Barangay T. Padilla; usa gikan sa St. Paul, Barangay Hipodromo; usa gikan sa Yellow Bells, Barangay Kalunasan; usa gikan sa Tres De Abril, Barangay Labangon; usa gikan sa Missionary, Barangay Suba; usa gikan sa Kasagingan, Barangay Mabolo; ug usa nga wala pa na verify.

Ang bag-o nga mga kaso nadugang sa 1,869 nga kinatibuk-ang ihap sa mga tawong nataptan sa Covid-19 sa siyudad.

Sumala sa report sa City Health Department (CHD), ang duha ka bag-ong mga nag-lab negative naggikan sa Barangay Ermita ug Barangay T. Padilla.

Kagahapon, ang siyudad nakatala na sab sa kinatibuk-an nga 118 ka mga recoveries. /GMR (BANATNEWS)