1 dugang naka-rekober sa COVID-19 sa Opon
CEBU, Philippines — Nakarekober ang 11 ka tawo sa coronavirus disease 2019 sa Dakbayan sa Lapulapu human sila nagnegatibo sa pipila ka test.
Kini ang gipahibawo ni Mayor Junard “Ahong” Chan niadtong adlaw nga Sabado.
Matud ni Chan nga adlaw nga Sabado ilang giselebrar ang paggawas gikan sa hospital sa 11 ka pasyente aron makauli sa ilang tagsa-tagsa ka panimalay.
Dugang ni Chan nga kauban niyang nisugat sa 11 ka tawo ang taga Disaster Risk Reduction and Management Office.
Gitug-an ni Chan nga 2-anyos ang labing bata nga nakarekober sa Covid-19.
Si Chan nibutyag nga sa kinatibuk-an niabot ngadto sa 74 ang kompirmadong nagpositibo ug 38 ang nakarekober.
Mapasalamaton si Chan sa Labaw nga Makagaaghum ug malaumon ang mga nagpositibo nga maayo na sa maong sakit sa Covid-19.
Gipasalamatan usab sa mayor ang mga frontliners nga nitabang ug niamoma sa mga masakiton nga Oponganon. /GMR (BANATNEWS)
- Latest
