LTFRB: PUJ ikonsidera nga kolorum

CEBU, Philippines — Ang Land Transportation Franchising and Regulatory Board (LTFRB)-7 higpit nga nipahimangno ngadto sa mga drayber sa public utility jeep (PUJ).

Ang mga traditional nga PUJ gidili ang pagbiyahe o pagpamasahero diha sa mga dapit nga gipaubos sa general community quarantine tungod kay ilhon sila nga mga kolorum.

Kini ang gipadayag sa director sa LTFRB-7 Eduardo Montealto Jr. kinsa nagkanayon nga ang tugotan nga makabiyahe kadto lang nagbaton og special permit nga giluwatan sa ilang buhatan.

Giklaro ni Maontealto nga sa amihanan nga bahin sa Lalawigan sa Sugbo gitugotan sa pagbiyahe ang 78  ka bus nga pasaheroan samtang sa habagatan nga bahin 73  ang nagbiyahe ug 16 usab sa Dakbayan sa Lapu-Lapu.

Gibutyag ni Montealto nga mohimo sila og random inspection sa mga bus nga nagbiyahe sa pagsiguro nga gituman sa mga drayber ug kondoktor ang health protocol sama sa pagpasul-ob og face mask sa mga pasahero ug 50 porsyento lang sa kapasidad sa bus ang gipasakay aron pagsunod sa social distancing.

Nunot niini, gipahbalo ni Montealto ang P11 nga pletehan alang  sa unang lima ka kilometro ug dugang P1.85 alang sa mosunod nga matag usa ka  kilometro  nga  gilay-on nga pagbiyahe niini. /BDB (BANATNEWS)