PRO-7 dunay 5Is batok COVID-19
CEBU, Philippines — Gipangandaman sa Police Regional Office 7 ang bag-ong programa nga gamiton sa pagpakigbatok sa coronavirus isip suporta sa programang 3Ts o Test, Trace ug Treat. Pinaagi sa kaugalingong paningkamot ni PRO-7 Director Albert Ferro, gipahibawo ang 5Is System sa Central Visayas nga gilangkuban sa “Inform”, “Identify”, “Isolation”, “Intervention” ug “Integration.”
Gipasabot ni Ferro nga tumong niini nga mapadali ang aksyon ug pagtimaan sa problema sa mga nataptan sa maong sakit.
Ang “Inform” mao ang pag-edukar sa publiko kalabot sa ka delikado sa virus, “Identify” ang pagpahigayon dayon og dinalian nga contact tracing sa mga nahimamat sa nagpositibo sa virus, “Isolation” sa tawo nga nataptan paingon nga maka-recover sa sakit, “Intervention” ang pagtutok sa mga natapnan nga mayo, “Integration” ang pag-boost sa morale ug dili mawagtangan og pagsalig sa kaugalingon ilabi na sa kahingawa nga gibati sa mga tawo ilabi na sa diskriminasyon.
Gipasabot ni Ferro nga ang intervention dili lang sab ang pagtubag sa medikal nga gikinahanglan sa pasyente kun diin nalakip na niini ang spiritual support.
Sa pagkakaron adunay tulo ka lugar ang gipangita sa kapolisan nga mamahimong recovery center alang sa tanan nga frontliners. /GMR (BANATNEWS)
- Latest