50 ka sakyanan nakalapas sa number coding sa Mandaue
CEBU, Philippines — Nikabat sa 50 ka motorista ang naisyuhan og citation ticket sa mga traffic enforcer sa Traffic Enforcement Agency of Mandaue (TEAM).
Kini ubos sa padayon nga higpit nga pagpatuman sa siyudad sa number coding scheme sa mga sakyanan.
Giingong pipila sa mga nadakpan nga nakalapas sa number coding scheme ang mo rason nga nasipyat sila sa pagtimaan sa kataposang numero sa ilang gimaneho nga sakyanan hinungdan nga nakalapas sila sa enhanced community protocol nga naglakip sa number coding scheme nga gipatuman.
Nunot niini, si Arnold Malig-on, chief operation officer sa TEAM nagkanayon nga ubos sa gilatiid sa lagda sa number coding scheme ang drayber nga nakahimo sa maong kalapasan nga giisyuhan og citation ticket ang makabayad og P1,000 nga multa. /BDB (BANATNEWS)
- Latest