Ayuda sa senior citizens ug PWDs sa Lapu-Lapu ihatag karong semanaha
CEBU, Philippines — Gilauman nga madawat na karong semanaha ang cash aid gikan sa kagamhanan sa Dakbayan sa Lapu-Lapu alang sa mga senior citizen ug Persons with Disability sa siyudad.
Ang pagpanghatag sa maong ayuda gikatakda karong Mayo 20 ngadto sa 22, 2020.
Si Mayor Junard Ahong Chan sa iyang social media post nitug-an nga wala pa sila maka-finalize sa oras ug lugar diin ipahigayon ang distribution ug ang kantidad sa ayuda nga ihatag.
Ang mga senior citizen nga makadawat og ayuda dili tugotan nga makagawas sa ilang balay kinahanglang mopadala sila og mga representante.
Ang mga representante nga mokuha sa ayudad sa senior citizen kinahanglang aduna kini quarantine pass samtang mga senior citizen nga nag-inusara lang ihatod ang hinabang sa balay niini.
Gawas sa quarantine pass ang mga mo-claim nga representante kinahanglan usab nga mopresentar og mga dokumento sama sa OSCA ID ug authorization letter. /BDB (BANATNEWS)
- Latest