Unom ka sitio sa Tejero gi-lockdown

CEBU, Philippines — Gumikan sa daghang kaso sa Barangay Tejero nadesiyunan sa mga opisyales sa Barangay ingon man sa Cebu City Government nga ipaubos sa lockdown ang unom nila ka Sitio niini human duna na kini karoy 75 ka positibo sa coronavirus disease(COVID-19).

Gimando ni Cebu City Mayor Edgardo Labella nga i-lockdown ang Sitio Vilgon, ICM, Daclan, Sampaguita, Looban ug Macarosa.  Gipaspasan sab ang contact tracing nga gihimo sa dapit ingon man ang mass testing hu

Si Atty. Rey Gealon, official spokesperson sa Cebu City Government mipahibalo nga 550 ka mga sakong bugas ang ipangapod-apod sa mga apektadong pamilya sa maong lockdown.

Gawas sa bugas nanghatag sab sila og canned goods sama sa beef loaf, corned beef ug uban pa.

“Ang area dunay usa ka exit, grabe nga kontrol sa maong area pero ang entry nga pasabot katong sa mga medical personnel nga mosulod for contact tracing but ang mga tawo di na pwede makasulod o gawas sa maong area. Ug rest assured sa gihapon kay kanunay man gud na ang kamanduan sa Mayor nga kung mag-lockdown, provided government ang mga pagkaon so mao na tua na didto ang mga bugas ug canned goods karon”, dugang ni Gealon.

Gipahibawo sab ni Gealon nga gilibkas na ang gipatumang lockdown sa Sitio Cabajar, Barangay Guadalupe human nga kadtong duha nga nagpositibo sa lugar nag-negative na sa COVID-19 ug sa contact tracing nga gihimo negatibo sab ang mga tawo nga gi-lockdown.  Rowena Capistrano/IBM (BANATNEWS)