COVID update: 41 bag-ong kaso sa COVID nadugang sa Cebu
CEBU, Philippines — Base sa Mayo 12 nga datus nga gitug-an ni Gob. Gwendolyn Garcia gikan sa Department of Health (DOH-7), adunay usa (1) nga nadugang kaso sa Dakbayan sa Talisay.
Ang maong pasyente taga Poblacion apan sa Dakbayan sa Sugbo nag-abang.
Ang Dakbayan sa Sugbo aduna usab 33 ka positibo nga kaso nga natala kagahapong adlawa. Unom (6) ang Lapu-Lapu City ug duha (2) ang sa Mandaue City.
Si Garcia nagkanayon nga 350 ka swab results ang nigawas kagahapon 304 ang negatibo. Ang running total sa tibook isla sa Sugbo karon sumala ni Garcia kay Cebu Province (55) apil na niini ang 37 nga positibo sa CPDRC ,ug ang 18 anaa sa mga lungsod ug mga dakbayan sa Probinsya. 1, 695 usab ang running total sa Cebu City; 48 sa Lapu-Lapu ug 111 sa Mandaue nga kasagaran anaa sa BJMP-Mandaue.
Sa mga Sever Acute Respiratory Infection (SARI) cases sa Probinsya sa Sugbo, duha (2) ang naadmit sa Argao district hospital kon diin usa niini namatay samtang usa (1) ang sa Sogod. Adunay duha (2) ka SARI patients ang namatay usab sa hospital sa Barili.
Sa Influenza Like Illnesses (ILI) adunay usa nga naadmit sa Barili district hospital samtang tulo (3) ang giabisohan nga mga home isolation.
Ang mga Persons Under Monitoring sa Probinsya sa Sugbo anaa sa 4, 010 samtang ang nakahuman na sa 14 day quarantine moabot sa 74, 267. /IBM (BANATNEWS)
Related video:
- Latest
