VSMMC nagkapuliki sa mga mangabot nga pasyente
CEBU, Philippines — Ang tagdumala sa Vicente Sotto Memorial Medical Center nanawagan karon sa ilang mga healthcare institution partners nga tabangan sila pag-atiman sa ilang mga pasyente karong panahon sa COVID-19 pandemic.
Kini human nga naobserbahan ang pagdasok sa mga nangabot nga mga ambulansyang dunay dalang mga pasyente nga kinahanglang magpaabot og dugay diha sa gawas sa VSMMC Emergency Department (ED).
Ang VSMMC naghimo og protocols aron dili magkatinakdanay sa sakit diha sa tambalanan human nabantayan ang pagsaka sa mga kaso sa Severe Acute Respiratory Illness (SARI) gawas pa sa uban pang mga sakit nga sagad nilang atimanon diha sa emergency department, wala pay labot ang kabahin sa padayong nagsaka nga mga kaso sa COVID-19 gikan sa probinsya.
Base sa uwahing COVID-19 tracker sa VSMMC, duna na silay 49 ka kompirmadong pasyente nga duna niini, ang 33 niini na- admit sa ilaham ang lima nakagawas na samtang 11 ang nangamatay.
Samtang ang mga SARI cases 87 patients ug karon na admit diha sa VSMMC.
“We apologize to our patients and their families if such has caused them undue anxiety and inconvenience and humbly seek for their understanding and cooperation,” sumala pa sa pamahayag sa VSMMC.
Gipasalig hinuon sa VSMMC nga gibuhat nila ang tanang posibleng mahimo aron maatiman ang mga pasyente.
“Saying “NO” directly to these patients without ensuring a concrete Contingency Plan set is not advisable at this time of pandemic. There are ways and means. We need each other,” dugang pa sa maong pamahayag. /IBM (BANATNEWS)
- Latest
