Krimen sa CV nikubos ning unang kwarter sa tuig 2020
CEBU, Philippines — Nikunhod og 40 porsiyento ang krimen sa Central Visayas sa unang kwarter sa tuig kun itandi sa natala sa miaging tuig. Gikan sa Enero hangtud ning bulana, si Police Regional Office 7 Regional Director Brigadier Albert Ignatius Ferro miingon nga gikan sa Enero 1 hangtud Mayo 4 ang gibasehan sa talaan sa tuig 2019 ug 2020.
Ang 40 percent nga pagkunhod gikan walo ka focus crimes nga naglangkob sa Physical Injury, Robbery, Theft, Carnapping of motor vehicles, carnapping of motorcycles, rape, homicide ug murder.
Sumala pa ni Ferro, atol usab sa pagpatuman sa Enhanced Community Quarantine aduna usab pagkubos sa mga kaso ngadto sa 79.6 percent gikan sa 1012 incident ngadto na sa 227 gikan sa buwan sa Marso 17, ngadto sa May 4, sa nilabay nga tuig ug karon 2020.
Gitug-an ni Ferro, bisan hugot lisod ug hugot ang gipatuman nga ECQ apan napugngan sa kapulisan ang mga illegal nga kalihukan sa mga kriminal hinungdan nga nikubos ang kaso sa mga krimen. /IBM (BANATNEWS)
- Latest