ARN, EMB nidonar og PPEs

CEBU, Philippines — Ang kompaniya nga nagpadagan sa waste disposal facility sa Barangay Binaliw, Dakbayan sa Sugbo uban ang Environmental Management Board (EMB) 7 nidonar og mga personal protective equipment alang sa mga sanitation workers sa dakbayan ug sa Lungsod sa Consolacion.

Ang ARN Central Waste Management Inc. nidonar og 100 kabuok coverall ug 100 ka pares o 200 kabuok safety gloves nga ang tanan mobalor og P130,440.

“Our sanitation workers need protection especially during this coronavirus disease or COVID-19 health pandemic,” matud ni ARN Central president ug executive director Sherwin R. Santos.

Sila si Consolacion Mayor Joannes Alegado ug Atty. John Jigu Dacua sa Cebu City Department of Public Service (DPS) ang nidawat sa mga donasyon alang sa tagsatagsa nila ka lokalidad.

Ang donasyon gipahigayon sab ni John Roy Kyamo, ang pangulo sa EMB-7.

Ang mga donasyon nga PPEs alang kini sa mga garbage collectors subay sa Republic Act No. 11469, o ang Bayanihan to Heal as One Act, ug sa padayong paningkamot EMB-7 nga mapanalipdan ang mga garbage collectors nunot sa gisagubang karon nga krisis. (BANATNEWS)