Foundation, OPAV nidonar og test kits

CEBU, Philippines — Ang kagamhanan sa Dakbayan sa Sugbo ug Cristina Lee Dino Foundation pinaagi sa Office of the Presidential Assistance for the Visayas nidonar og mga RT-PCR machines, automated extraction machines, test kits, swab kits ug ubang supplies ngadto sa Department of Health 7 ug Vicente Sotto Memorial Medical Center.

Kini aron mapalambo pa ang testing capacity sa maong mga pasilidad kabahin sa coronavirus disease.

Matud ni DOH-7 Regional Director, Dr. Jaime Bernadas, nga pinaagi sa RDT mass testing, ang mga magbabalaud mohukom kung mag-downgrade na sila sa Enhanced Community Quarantine o dili.

Dugang pa ni Bernadas nga ang resulta sa test makatabang sa mapping populations ug areas sa lokalidad.

These test results can now be used to help in mapping populations and areas in the locality that can serve to guide the decision makers into checking the effectiveness or in setting up control measures and even modifying these measures in pursuing decisions for community quarantine, matud ni Bernadas.

Ang strategic rapid mass testing alang sa tulo ka dakbayan usa ka kampanya ubos sa “Project Balik Buhay” nga programa sa OPAV, Department of Health, local government units, ug private sector.

Samtang niadtong Mayo 2, ang CLDF pinaagi sa OPAV nidonar usab og medical supplies alang sa logistical requirements alang sa mass testing.

Ang donasyon nga mga medical supplies naglangkub sa face masks, goggles, tourniquets, micropore tape, alcohol swabs, alcohol, cotton balls, utility boxes, ug specimen boxes.

Ang maong mga medical supplies magamit alang sa extractions teams nga mangolekta og blood samples sa 50,000 ka tawo sa Dakbayan sa Sugbo, Lapu-Lapu ug Mandaue sulod sa napulo ka adlaw. /GMR (BANATNEWS)