Gidaghanon sa positibo mosaka tungod sa mass COVID-19 testing
CEBU, Philippines — Gipanglantawan na daan ang pagsaka sa gidaghanon sa magpositibo sa coronavirus disease 2019 nunot usab sa gikatakda nga rapid test nga pagahimoon sa kagamhanan sa duha ka dakbayan sugod sa Mayo 4, 2020 nga madungan sab sa Cebu City.
Si Mayor Junard ‘Ahong’ Chan sa Lapu-Lapu City miingon nga tulo ka mga tulungaan ang gamiton nila aron himuong quarantine facilities alang niadtong makitang positibo.
Sa Mandaue City, sa pamahayag ni Atty. John Eddu Ibañez, chief of staff ni Cortes ug pangulo sa PIO, adunay bag-ong siyam ka kompirmado sa COVID-19 sa siyudad ug kining tanan naa sa Mandaue City Jail.
Sa pagkakaron, miabot na og 26 ang kompirmadong kaso sa COVID-19 sa maong siyudad, duha ang nangaayo ug usa ang namatay.
Ang pagsaka sa gidaghanon sa mga kaso sa prisohan resulta kini sa massive testing nga gihimo diha sa e Mandaue City Jail. /IBM (BANATNEWS)
- Latest