23 loose firearms gitahan

CEBU, Philippines — Moabot ngadto sa 23 ka mga armas ang natigom gikan sa mga gitahan diha sa Cebu City Police Office (CCPO) City Mobile Force Company (CMFC) gikan sa 10 ka barangay sa Dakbayan sa Sugbo.

Ang Oplan Zirconium nga gilusad sa CMFC ubos sa pagdumala ni Police Lieutenant Colonel Randy Korret gihimo diha sa Barangay Tabunan, Tagba-o, Adlaon, Tap-Tap, Pung-ol, Sirao, Guba, Agsungot, Mabini ug Paril.

Matud ni Korret nga atol sa pagpahigayon nila og rekorida sa nahisgutang mga barangay daghan ang misanong pagtahan sa ilang dili dokumentadong mga armas. Ang maong panawagan niresulta sa pagtahan sa 23 ka armas gikan sa nagkalin-laing indibiduwal.

Ang mga armas nga gitahan  usa ka .30 caliber Sniper Rifle (Bolt Action), duha .22 caliber rifle;  usa ka.22 caliber sub-machine pistol; pito ka .38 revolvers; usa ka.38 caliber snub-nose; usa ka .22 revolver; usa ka 12GA shotgun;  laing duha ka .30 caliber rifles;  us aka .45 caliber pistol; upat ka 5.56 mm revolver frontier; usa ka 7.62 caliber rifle; ug  usa ka .9mm KG-9 sub-machine pistol.

Nagtuo si Korett nga ang pagtahan sa maong mga armas pagpapakita kini dili lang sa pagtahod sa balaod kondili pagsalig na sa katawhan sa otoridad nga mapanalipdan sila sa tanang oras. /IBM (BANATNEWS)