Paagi sa pagpanghatag sa cash aid sa seniors tun-an
CEBU, Philippines — Tun-an sa kagamhanan sa Siyudad sa Sugbo ang pamaagi sa paghatag sa financial assistance sa mga senior citizens nga sugdan karong Sabado.
Kini sumala pa ni Cebu City Mayor Edgardo Labella gumikan sa nahitabo sa mga kawani sa City Treasurer’s Office sa Siyudad sa Mandaue nga maoy gitahasan sa pagpangapod-apod sa hinabang pinansiyal sa mga senior citizen sa Barangay Cambaro ug Casuntingan nga gipaubos sa home quarantine tungod kay tulo ang nadugang nga positibo sa coronavirus disease (COVID)-2019 nga pulos mga senior citizens sa maong mga barangay.
“In the light of this incident in Mandaue nga ang mga naghatud na-infected atong tan-awon og maayo because para nako ang pinaka-importante gyud as much as we would like to give gyud dayon sa mga senior citizens financial assistance atong tan-awon ang importante ang risgo sa ilang kinabuhi,” matud ni Labella.
Dili lang risgo sa kinabuhi sa mga senior citizens ang tan-awon apan ingon man ang risgo sa mga manghatag sa mga financial assistance nga mangita pa asa nagpuyo ang senior citizens.
Moabot sa kapin 80,000 ka senior citizens sa Siyudad sa Sugbo ang gikatakda nga makadawat og hinabang pinansiyal gikan sa kagamhanan sa siyudad sa tag P2,000 alang sa buwan sa Marso ug Abril. /GMR (BANATNEWS)
- Latest