Minors, senior citizens maglaroy-laroy dakpon
CEBU, Philippines — Masampolan na gyud ang mga tawo sa Siyudad sa Sugbo nga mga gahi og ulo ug padayon nga nisupak sa gipatuman sa Enhanced Community Quarantine (ECQ).
Kagahapon ang Cebu City COVID Action Team nagsugod na sa ilang operasyon sa pagsita sa mga menor de edad, senior citizens ug uban nga nilapas sa ECQ.
Usa sa mga sakop sa COVID Action Team mao ang Prevention Restoration Order Beautification Enhancement (PROBE) nga gipangulohan ni Raquel Arce.
Matud ni Arce nga kaabag sila sa Philippine National Police sa pagpatuman sa executive orders nga giluwatan ni Cebu City Mayor Edgardo Labella mahitungod sa pagbatok sa COVID-19.
“Katong curfew sa minor ug senior citizens once makasugat ta’g minor we are going to rescue them also the senior citizens unya ihatud nato sa ilang balay pero i-booking usa nato as stern warning nga maaktuhan gani nato sila for the second time pwede nato sila ma-file-lan og kaso,” matud ni Arce. Gitan-aw sab nila kadtong niabusar og gamit sa ECQ pass diin giklaro ni Arce nga magamit kini kun magpalit og pagkaon, tambal ug emerhensiya ug dili aron maglaroy-laroy.
“If you roam around the City pwede na nato sila madakop, we will confiscate the ECQ pass then dakpon nato nagsul-ob ani unya ato ni sila ibutang og usa ka lugar, i-assess nato asa ni sila nga jurisdiction sa to police station kay we are on four zones, simultaneous atong operation from 6 to 2, 2 to 10, simultaneous sad nga ma-cover nato tibuok Cebu City,” dugang ni Arce.
Upat ka Kaohsiung buses ang gi-deploy sab nga gihimong mobile detention cell sa siyudad diin didto isakay ang mga masita. /GMR (BANATNEWS)
- Latest
