Mga kawani sa Kapitolyo hatagan og P500 hazard pay

CEBU, Philippines — Mga empleyado sa Kapitolyo kinsa padayon gihapong mo-report sa ilang trabaho ang mahatagan og P500 nga hazard pay taliwala sa hulga sa coronavirus disease (covid-19).

Sa facebook page ni Bise Gobernador Hilario Davide III nagkanayon kini nga atol sa labing unang online session sa provincial board niadtong Lunes giaprobahan sa August body ang resolusyon nga naghatag og pagtugot kang Gobernador Gwendolyn Garcia pag- grant og hazard pay sa mga kawani sa kagamhanan sa probinsiya.

"Aside from the regular and contractual employees, those who are hired by the Capitol as job order workers and contract-to-service or outsourced frontliners assigned at the provincial and district hospitals will also benefit from the hazard pay", tipik sa post ni Davide sa iyang facebook page.

Si Gobernador Gwendolyn Garcia nagkanayon nga angay tan-awon kon kinsa gyud ang angayan ug maoy ni-report sa trabaho sa Capitol ang hatagan sa maong grant. /BDB (BANATNEWS)