QP gipabayaran?; Mga barangay sa Cebu City makaisyu og passess
CEBU, Philippines — Hugtanon nga gipanghimakak ni Kapitan Amado Manatad sa Barangay Labogon, Dakbayan sa Mandaue ang pasangil nga gipabayaran nila og P50 quarantine pass.
Matud ni Manatad nga “fake news” ang maong report ug sukad sa pagpahugot nila sa ilang Enhanced Community Quarantine temporaryo silang nikanselar sa pag-isyu og dokumento lakip na niini ang barangay clearance ug certification.
Giklaro ni Manatad nga ang anaa karon sa ilang hunahuna nga mga opisyal sa Barangay Labogon mao ang pagtabang sa mga molupyo sa ilang lugar aron dili sila mapugos sa pagsupak sa gipatuman nga ECQ.
Sa laing bahin, gipahibawo kagahapon ni Cebu City Mayor Edgardo Labella nga ang siyudad nagprinta og dugang ECQ passes alang sa nagkadaiyang barangay sa siyudad.
Kini human nireklamo ang mga barangay nga kuwang ang mga passes nga gipanghatag.
Gitugotan na usab ni Labella ang mga barangay nga makaisyu og barangay pass apan ang maong passes mahimong gamiton lang kon asa nga barangay nahisakop. Romeo T. Limpangog/BDB (BANATNEWS)
- Latest