LGUs, batakang negosyo padayon ang operasyon

CEBU, Philippines — Niining pagpatuman sa “lockdown” sa tibuok Lalawigan sa Sugbo sugod karong adlawa, ang mga negosyo sa mga batakang panginahanglan sa katawhan ang gitugutan nga makapadayon. Ubos sa Enhanced Community Quarantine nga gimando ni Gob. Gwendolyn Garcia, limitado ang mga tawo nga makagawas sa tagsatagsa ka panimalay gawas lang sa pagpalit og mga importante kaayong butang.

Ang gitugutan nga makapadayun sa negosyo ang mga klinika,, pabrika sa pagkaon, nag-unang palaliton sa katawhan ug hygiene products; enerhiya, tubig, telecommunication ug mga utility companies; construction related services; pabrika sa semento, shipbuilding companies, tugpahanan, pantalan, buhatan sa mga tambal, mga merkado publiko, ihawan, supermarkets ug groceries; commissaries, cold storages, botika, mga 24/7 convenience stores; hardware stores, banko, remittance centers, ATMs, pawnshops, ug mga financial institutions; power, cable/internet, ug utility-providers; veterinary ug animal feeds vendors; media outfits; gasoline stations, petroleum, LPG stores, ug legitimate butane suppliers; trash collection ug sanitation, essential operations of residences; logistics, technology support, ug child care services.

Bukas sab ang mga water refilling stations, laundry services, general merchandise stores nga namaligya og essential goods ug suppliers of agrivets ug feed suppliers gikan sa alas 8 sa buntag hangtud alas 5 sa hapon.

Ang mga food chains gitugutan sab nga makapangabli apan pinaagi sa deliveries ug drive-thru.

Ang mga sari-sari stores ug bakeshops ang bukas sab hangtud sa alas 9 sa gabii.

Ang mga Business Process Outsourcing companies (BPOs) diin daghang trabahante ang gitugutan sab nga makapadayon basta motuman sa telecommuting o work from home arrangements ingon man sa mga Knowledge Process Outsourcing, non-profit entities, ug mga export-oriented industries. Ang maong mga kompaniya dunay subayon nga lagda alang sa kaluwasan sa mga trabahante ug mga kustomer sama sa social distancing, skeletal staffing, temperature checking, paggamit og masks ug gloves ug ubang pa. Tanang publiko nga mga sakyanan ang suspendido na samtang ang mga residente gimanduan sa pagkuha og vehicle quarantine aron makabiyahe ang pribado nga mga sakyanan. Ang delivery sa mga cargo magpadayon apan usa ka driver ug pahinante ang tugutan.

Samtang ipatuman ang “lockdown”, ang Kapitolyo ug mga local government units sa 44 ka lungsod ug pito ka component cities ang padayong mag-operate ubos sa skeletal workforce. Sugod alas 12:01 kaganehang tungang gabii gipatuman ang ECG sa tibuok Lalawigan sa Sugbo.

Kini human duna nay duha ka kaso sa positibo sa Coronavirus Disease sa lalawigan lakip na ang usa sa Dakbayan sa Mandaue. Gikan sa The Freeman/GMR