2 HVIs, laing lima nadakpan sa drug bust

CEBU, Philippines — Duha ka mga High Value Individuals (HVI) ug lima ka gidudahang drug personalities ang nadakpan sa gihimong buy bust operation sa kapulisan sa Dakbayan sa Talisay ug Cebu City niadtong Biyernes sa gabii.

Sa operasyon sa Talisay City Police Station, nadakpan diha sa Sitio Salvador, Barangay Tanke ang subject sa operasyon nga si Johnrey Layese Talam, 28, nagpuyo sa nahisgutang lugar. Ang iyang mga kuyog nga giapil sa pagdakop mao sila si Erdamae Base Abangan, 20,  taga Canton Beach, Barangay Cansojong; Arvie Murillo Mabanto, 26 , taga Sitio Salvador, Barangay Tanke; Eugenio Bareno Cadungog, 45,  taga Sitio Mananga 1, Barangay Tabunok; Rodulfo Gillana Escanillan, 37,  taga Sitio Salvador, Barangay Tanke ug si Bani Barliso Baritugo, 18, taga Barangay Maghaway pulos sa nahisgutang siyudad.

Ang mga dinakpan nakuhaan og ilegal nga drugas nga nitimbang 10,95 gramos nga adunay gibana-bana nga balor nga P74,460.

Samtang sa Dakbayan sa Sugbo, arestado ang 49-anyos nga lalaki sa mga tinugyanan sa Pardo Police Station sa may Sitio Kauswagan, Barangay Basak niadtong Huwebes sa gabii.

Ang nasikop naila nga si Marlon Domingo, alyas Bobong, nga giisip sab nga HVI, temporaryong nagpuyo sa maong lugar.Nasakmit gikan sa dinakpan ang 55 gramos nga gidudahang shabu mobalor og P374 mil ug buy bust money.

Ang dinakpan. Rowena D. Capistrano/IBM (BANATNEWS)