Basura ningminus tungod sa COVID-19
CEBU, Philippines — Sukad gipatuman ang general community quarantine nikunhod ang gidaghanon sa basura nga nakolekta sa Department of Public Services (DPS) sa Siyudad sa Sugbo.
Matud ni Atty. Jigo Dacua, pangulo sa DPS, nga base sa ilang obserbasyon sa ilang inadlaw-adlaw nga pagpangolekta sa basura niubos gyud ang ilang garbage collection.
Sigun ni Dacua nga kaniadto ang average nila nga garbage collection naa sa 550 ngadto na sa 600 tonelado apan sa naobserbahan nila ilabi na niadtong Huwebes naa nalang sa 420 ka tonelada.
Gawas nga mingaw ang Cebu City, usa sa nakita nga hinungdan sa DPS mao nga ang mga malls ingon man ang mga kan-anan nga iyang gihulagway nga labing dakung producers sa basura ang wala nag-operate.
Samtang asoy ni Dacua nga mas maayo gyud nga kadtong mga facemasks nga gigamit sa mga tawo ilahi og butang og selyado gyud aron sab nga dili mahikapan sa ilang mga loaders nga risgo na hinoon.
Nagkanayon sab si Dacua nga nanghatag sila og health security sa mga tawo sa DPS.
“Nag-provide ta nila og mask, in fact nag-purchase ta og gloves ug boots nagpa-advance ta og deliver ana but for now mask pa’y niabot nato mao na’y nahatag nato nila karon,” matud ni Dacua. /GMR (BANATNEWS)
- Latest