Mga taxi nga dili magpasakay og frontliners ipareklamo sa LTFRB
CEBU, Philippines — Gidasig sa Land Transportation Franchising and Regulatory Board 7 ang katawhan sa pagtaho dayon kung adunay mga taxi nga magdumili sa pagpasakay og mga pasahero ilabi na sa mga frontliners.
Ang mga frontliners batok sa coronavirus naglakip sa mga doctors, nurses ug mga health workers.
Matud ni LTFRB-7 Regional Director Eduardo Montealto Jr. nga dunay report nga iyang nadawat gikan sa mga opisyal sa kagamhanan nga adunay mga trabahante nga mga frontliners ang maglisud sa pagsakay kay balibaran sa mga taxi driver.
Sumala pa ni Montealto nga ang mga mopadangat sa ilang reklamo kinahanglan nga mobutang sa ilang reklamo, plate number sa taxi ngalan niini ug sa dapit ug oras diin nahitabo.
Ang katawhan mahimo mopadala sa ilang reklamo pinaagi sa Viber account number 0917-704-6862 o kaha sa email [email protected]. /GMR (BANATNEWS)
- Latest