USC mental health niawhag sa paggamit sa ilang page
CEBU, Philippines — Ang University of San Carlos Mental Health Support for COVID-19 Front liners nidasig sa front liners sa corona virus disease sa paggamit sa ilang page alang sa ilang mental health.
Si Dr. Sherly Muli-Abellanosa nagkanayon nga sukad pagmugna sa ilang page niadtong Marso 16 niining tuiga pipila pa lang ang ni-access niini.
Si Abellanosa nipasabot kalabot sa pagresponde sa covid-19 crisis diin ang mental health sama usab kini ka importante sa physical health.
Ang mental health kalabotan kalabutan kini sa panghunahuna sa emotion, sa behavior ug social well-being. Ang mental health maoy modeterminar unsaon pagdala ang stress, unsaon pakigsandurot sa uban ug sa pagpakanaog og desisyon.
Matud ni Abellanosa nga ang mga front liners dili angayan magduha-duha sa pag-communicate kanila ug ipasalig usab nila nga magpabilin nga confidential ang ilang gihimo nga konsultasyon.
Ang mga medical practitioner niangkon nga dili maayo ang epekto sa stress sa physical health ngadto sa usa ka tawo.
Ang negative stress mahimong hinungdan sa somatic symptoms sama sa sakit sa ulo, sakit sa buko-buko, sakit sa tiyan ug makamugna ug major emotional distress ug problema hinungdan nga gidasig nila ang mga front liners sa paggamit sa ilang page. /BDB (BANATNEWS)
- Latest
