Dul-an 2,000 nahatagan og hinabang sa Lapu-Lapu
CEBU, Philippines — Dul-an sa 2 mil ka trabahante sa Dakbayan sa Lapu-Lapu nga apektado ang panginabuhian tungod sa hulga sa covid-19 ang nakadawat og ayuda gikan sa kagamhanan sa siyudad.
Ang City Social Welfare Office ubos sa pagpangulo ni Annabeth Cuizon ang padayon nga nag-apod-apod og mga food packs ngadto sa mga trabahante nga nawad-an og trabaho ug apektado ang panginabuhian tungod sa covid-19.
Matud ni Cuizon nga sa adlaw nga Biyernes 935 ka tawo ang nahatagan nila og food packs ug 885 kagahapon.
Ang food packs, gilangkuban sa bugas, canned goods, ug noodles nga nibalor og P1,000.
Mapasalamaton si Cuizon sa suporta sa City Disaster Risk Reduction and Management Office nga gipangulohan ni Nagiel Banacia ug ilabi na kang Mayor Junard Ahong Chan.
Dugang ni Cuizon nga diha sa Barangay Maribago gipahigayon ang ilang pagpanghatag og hinabang. /BDB (BANATNEWS)
- Latest