Siyam ka durugista sa Talisay sikop

CEBU, Philippines — Siyam ka durugista ang nadakpan sa gipahigayong operasyon sa kapolisan kagahapon sa kadlawon diha sa Barangay Tanke, Dakbayan sa Talisay.

Si Police Major Gerard Ace Pelare, hepe sa Talisay City Police Station nagkanayon nga ang grupo nga ilang nadakpan gidumala kini ni Jason Cabando Quiobe. Giingong ang maong grupo lakip sa pipila nga nahibilin nga drug personality sa maong lugar human nga gibutangan og checkpoint ang sulod ug gawas sa nahisgutang barangay.

Ang mga nasikop mao sila si Kimberly Saya-ang Alcansado; Clifford Cabando Gabisay; JR Cabanes Mabalatan; Reynante Quiobe Primor; Reneboy Quiobe Primor; Norma Cabando Dejacto; Andres Cabando Quiobe Jr. ug si Alfie Cabando Quiobe.

Human nasikop si Alcansado nasunod usab og ka sikop ang mga nahisgutang kaubanan niini.

Giingong ang buhaton sa mga suspetsao mao nga usa lang ka runner ang ilang pasudlon sa lugar samtang ang uban maghuwat diha sa laing barangay aron malikay sa checkpoint. Gawas niini, ang dalang drugas sa mga suspetsado giingong anha nila isuksok o itago sa ligid sa e-bike.

Ang mga dinakpan gikatakdang pasakaan og tukmang kaso sa nahimo nilang kalapasan. /BDB (BANATNEWS)