P1 bilyones igahin sa siyudad batok COVID-19
CEBU, Philippines — Hangyuon ni Cebu City Mayor Edgardo Labella ang Sangguniang Panlungsod sa pagpahigayon og special session aron paggahin og P1 billion nga supplemental budget no. 2.
Kini aron magamit sa pagpalit ug paghatag og contingency equipment, personal protective equipment, assistance sa katawhan ilabi na kadtong nawad-an sa panginabuhi ug uban pang gikinahanglan sa pagbuntog sa Coronavirus Disease 2019.
Si Konsehal Raymond Garcia nipasabot nga ang mayor mosuwat ngadto sa bise Mayor aron magpatawag og special session ug magpaabot nalang sa notice gikan sa buhatan ni Bise Mayor Michael Rama.
“Definitely, we have P19 billion in the bank so kanang P1 billion kaya kaayo na nato, and it will be a P9 billion amount nga lump sum so that every time there is a need dili specific ba every time there is a need for specific item, or specific concern pwede nato ma-charge sa P1 billion nga fund,” matud ni Garcia.
Malaumon ang mayor nga makapahigayon og special session ang konseho sulod sa 24-oras aron makapamalit na sila og dugang mga protective gear para sa mga frontliners sa COVID-19.
Gipasalig hinoon ni Garcia nga ang gipangayo nga budget sa mayor dili kini madugay ilabi na kinahanglanon kaayo kini may labot sa COVID-19 ug adunay pundo ang siyudad alang niini. Rowena D. Capistrano/GMR (BANATNEWS)
- Latest