COMELEC nanawagan sa wala pay rehistro nga magparehistro na
CEBU, Philippines – Ang Commission on Election (COMELEC) sa Dakbayan sa Tasalisay ingon man sa Cebu City ang nanawagan sa katawhan nga mobisita sa ilang buhatan ug magparehistro na.
Kahinumduman nga nagsugod ang voter’s registration niadtong Pebrero 20, 2020 ug mahuman kini sa Septiyembre 30, 2021.
Usa ka tuig ug walo ka buwan ang gihatag nga higayon sa ahensiya alang sa voter’s registration.
Ang COMELEC Talisay gikan sa Enero 20, 2020 hangtud sa Marso 7, 2020 anaa lang sa 1,929 ang natala nila nga nagparehistro.
Hinungdan nga si April Mae Gamboa, election assistant niawhag sa mga molupyo sa Talisay nga mobisita sa COMELEC aron magparehistro ilabi na nga bukas ang ilang opisina sa adlawng Sabado ingon man sa holidays gikan sa alas 8:00 sa buntag hangtud sa alas 5:00 sa hapon.
Tumong niini nga mahatagan og kahigayonan nga makaparehistro kadtong mga adunay trabaho sa weekdays ingon man ang mga tinun-an.
Ang mga magparehistro magdala lang kini sa rekisitos nga gikinahanglan.
Samtang si Cebu City Election Assistant Omar Mamalinta mibutyag gikan sa Enero 20 hangtud sa Marso 20 sa COMELEC Cebu City first district niabot na sa 4,160 ang registered voters samtang sa Cebu City second district naa sa 4,454 diin sa kinatibuk-an niabot na tanan sa 8,614 ang registered voters.
Giingong moabot ngadto sa 100 matag adlaw ang magparehistro diha sa Comelec Cebu City.
Si Mamalinta niawhag usab sa mga buot magparehistro nga mobisita na diha sa ilang buhatan ug dili magpaabot sa deadline sa pagpangrehistro aron dili kini mahasol. /BDB (BANAT NEWS)
- Latest
