Gullas buot magpabilin si Chiong isip mayor sa Naga
CEBU, Philippines — Pabilin ra gihapon nga lig-on ang grupong Alayon sa unang distrito bisan paman sa pag-resign ni Mayor Valdemar Chiong sa Dakbayan sa Naga.
Kini ang gibutyag ni Mayor Gerald Anthony “Samsam” Gullas Jr. sa Siyudad sa Talisay.
Ang batan-ong Gullas maoy giila karon nga lider sa Alayon human ang iyang apohan nga si Kongresista Eduardo Gullas sa unang distrito sa Probinsiya sa Sugbo ang nitugyan niini ngadto kaniya.
Gibutyag ni Mayor Gullas nga nakugang siya sa plano ni Chiong ug nahinugon siya niini tungod kay nakita man nga usa kini ka maayong lider.
Matud ni Gullas nga ang dagway karon sa Dakbayan sa Naga mao ang legasiya ni Chiong.
Ang grupong Alayon morespetar sa desisyon sa matag sakop niini sama sa usa ka ka pamilya.
“While I would have wanted him to stay, and I truly asked him to stay, at least until the end of this term, our type of leadership is one that is not dictated by one person controlling another but centered around making a collective decision with all the leaders and stakeholders involved”, tipik sa pamahayag ni Gullas.
Dugang ni Gullas nga nahimong magtutudlo ug political advisor kaniya si Chiong.
Si Chiong pulihan sa iyang anak nga si Bise Mayor Kristine Chiong samtang si Virgilio Chiong kinsa kasamtangang numero unong konsehal sa siyudad maoy mahimong bise mayor. /BDB (BANATNEWS)
- Latest