Barko gikan sa ‘CoViD areas’ di una padungguon
CEBU, Philippines – Isip kabahin sa lakang aron batukan ang Coronavirus Disease 2019 (COVID-19), si Cebu City Mayor Edgardo Labella nagpadala og suwat sa Philippine Coast Guard 7 ug Bureau of Quarantine 7.
Kini aron paghangyo sa duha ka ahensiya nga ang mga barko gikan sa mga CoViD-19 infected areas sama sa China, Hong Kong, Macau ug South Korea nga sa dili pa tugutan ang ilang barko nga makadunggo sa mga pantalan sa siyudad ang mga quarantine personnel mosusi una sa mga crew members.
“Because while others are focused on the airport but let us remember that these ships are also coming from these countries,” matud ni Labella.
Nanghinaut ang mayor nga mosunod ang BoQ ingon man ang PCG sa maong hangyo.
Dugang ni Labella nga kun kinahanglanon ang tabang sa kagamhanan sa siyudad sa pagpangita niadtong 26 ka Koreans andam sila motabang. /GMR (BANAT NEWS)
- Latest
